عيونك والمطر

موضوع: عيونك والمطر الأربعاء أغسطس 20, 2008 4:10 pm

شعر/إيهاب الأمين
لسة بسأل نفسي
عن سر العلاقة البين
عيونك والمطر
ولسة بسأل نفسي
عن سر التضاد
البين وجودك والخطر
ولسة بتساءل
شنو الخلى الربيع
ينحاز إليك
وينسج نسايمو غنا
ونغم أجمل وتر
إنت الفتحتي براكي
للغيم ألف باب
وبقيتي أنشودة صحاب
وهتفتي للصبح الأغر
عصفورة بشويش غردت
فردت جناحا... اتمردت
جات قررت
دون سابق إنذار السفر
وجعتي قلب الليل
وبعزقتي النجوم
رجعتي للموج التساب
صالحتي مابين بوري يا بت
والسحاب
واحرجتي بالضي القمر
وأنا مندهش
ما بين عيونك والمطر
أشتاق ألاقيك سنبلة
يا وردة ... رقصة كمبلا
قدمتي للشوق ألف ناي
وأنا جيت براي
ما كان معاي غير الهواجس
والنوارس
والكلام
الكان مسافر في الغروب
وجلبتي لي يا بت طيوب
علمتي نجماتي الألق
كرستي لعيوني الأرق
ورسمتي في اللوحة الشفق
شالتني موجات الحنين
فاجأني ضيك حين شرق
مديتي إيدك
وبيك نجيت من الغرق
وهواكي كان نازل مطر
نازف مطر
وأنا لسة بسأل نفسي
عن سر العلاقة
البين عيونك والمطر

همس القلوب كتب:: شعر/إيهاب الأمين
لسة بسأل نفسي
عن سر العلاقة البين
عيونك والمطر

رووووعة انتى حين وفقتى فى اختيار الكلمه والحوار البليغ وسط الكلمات

وابدعتى فى الاختيار

تقبلى مرورى

جات قررت
دون سابق إنذار السفر
دون سابق
دون سابق
دون سابق