ممكن تضحك شوية؟

موضوع: ممكن تضحك شوية؟ الأحد يوليو 20, 2008 11:42 am

جعلي ركب الطيارة حلف على بناته بالطلاق يساعدن المضيفات....

***جعلى الدكتور جاء طالع من غرفة الولاده قال ليهو أبشر بالخير مرتك جابت تومتين الجعلى قال للدكتور على الطلاق تشيل واحده

*** مسطول شاف جني بالليل و صاحبنا ماحافظ القران قام غنى طلع البدر علينا

***واحد عندو حب استطلاع قالو ليهو لو بطلتا حب الاستطلاع نديك نص مليون ..قال ليهم والنص التاني حتدوهو لمنو

***مسطول اشترى خروف ضعيف شديد ..ابوهو قال ليهو دشنو الخروف الضعيف ده قال ليهو ماتشوف الجسم شوف العيون كيف؟
....................
***بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

***سكران أبوه مات وداه مغسلة الاموات وقاليهم بالله غسيل وكي مستعجل

***ندل أبوه طرده من البيت كتب على البيت مقر تنظيم القاعدة

***مدرس سأل تلميذ عبيط : مين الحيوان اللي يصحّينا لصلاة الفجر ؟ قال له : أبويا

***مسطول سالوهو منو من الانبياء كان بتكلم مع الحيوانات
قال ليهم طرزان
...........................
***سكير لاقي ست العرقي في الحج
حلفها قدام الكعبة
تاني ما تزيدو موية .

***مسطول متفلسف سألوة
إنتربول يعني شنو؟
قال ليهم يعيني كفر جواني

***مسطول جا جنب يافطة
طلمبة أجب
طلع بالسلم وكتب بعدها
بلا أو نعم

***مسطول بيضرب بوهية
قالو ليهو خت جريدة تحتك
قال: لا لا كدة محصل

***أنصار سنه مشو رحلة
الأولاد مشو الجريف شرق
والجكس مشو الجريف غرب

***مسطول سألوهو ماهو الحب؟
قال ليهم : أكوله في القلب ما بتقدر تحكها

***سواق حافله مسطول الكمساري قال ليه: اللستك نزل, قال ليهو: ما تشيل منو

***مسطول دقنو كبيره دخل الجامع لأول مرة واحد يسأله يا شيخنا فاتتني ركعتين أعمل شنو؟ قاليهو في زول شافك؟ قاليهو لا, قال ليهو: أعمل نايم .

**مسطول دخل عنبر في المستشفي لقى واحد مركبين ليه درب و التاني عنده شلل رعاش
قال ليهم ده مستشفي شنو دي واحد خاتينو في الشاحن و التاني على الهزاز

**مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين !!؟؟

**مسطول مرتو ماتت قالوا ليه :نديك اختها قال:دي نسابة ولا شركة تأمين

واحد مسطول محكوم عليهو بالاعدام كل ما يجي يشنقوه ، الحبل ينقطع ....عاين للسجان وقال ليهو وهو متغاظ ..
احنا جايين ننشنق ولا جايين نلعب!!

**دنقلاويه فتحت جواز راجلها لقت مكتوب رجل اعمال
مسحت اعمال وكتبت عوضيه

**مسطول عجبتو بت في الحافلة لما
نزل شال رقم الحافله

حلفاوي جا يستلم مرتبه آخر الشهر
الصراف قال ليه خصموا منك 50 ألف للتبرع لفلسطين
قام زعل( تلت الراتب راح )
رجع للصراف وأداه باقي المائة ألف وقال ليه
طيب أدي الباقي دا لشارون

حنكوشه بتحب زميلها في الجامعه
في عيد الحب اهدتو ببغاء
تاني يوم سالتو : بالله رايك شنو في الببغاء ؟
قال ليها : طعمو جداد جداد.

تسلم على واحه الضحك والفرفشه
ديل من عندنا والله عجبتنى شديد تسلم

أهلين أخي خالد
شكرا ليك كثير علي التعليق والمرور
وإنشا ءالله القادم أحلي من شمال الوادي

والله ياكليكر...(بالمناسبه كليكر دا ليه ويعني شنو؟؟) ماتتخيل انا وامي متنا بالضحك كيف ؟؟؟والله تسلم ياخي

مرحبا أميرتي
شكرا علي تعليقك , وأتمني لك وللخالة ( والدتك ) الصحة والعافية .
أما clicker- هي تعني ( فرس )

الله يجاريك كليكر موتني من الضحك

تسلم علي هذه البسمة الجميلة

زيارة خفيفة من ظظا الانسانية