منو القايل - أغنية شايقية

شهور بالله مرت بي دحين بالجنبي ماواعــي
اصارع في العذاب والخوف احاول اخفي دماعي
اعاين للضياع يداك وبرضي عليه اكون ساعـي
حلف بالله أن ما جيت كنت بتسمع الناعـــي
****************************
لانك ياحبيب الروح موطن جـو وجدانــي
متكن في الشعور والحي براك والله وحدانـي
معاك ما اجمل الايام وقت القاك وتلقانـــي
****************************
انا الشائلك معاي احساسي محل قبلت في ذاتـي
بحبك في هجير الصيف وفي الليك البيكون شاتي
بحبك وانت شعلت خير بتهوي تحلي غنواتــي
بحبك وانت حاضري الآن والمستقبل الآتـــي
****************************
تصور انو ريدك فاض ملك وجداني بالقـوه
كثير حاولت اتناس القاه نبت هناك جـــوه
بقيت انا بيني بين محتار بضيع لو هبت النوه
تعال وريني اسوي شنو عليك اسم الله والخوه
****************************
بخاف من لجه الاحزان تحس ليك الضياع فينا
بخاف انو الجفاف لو زار يصنقر في بوادينـا
بخاف من موجه الايام تشيل قيفه مراسينــا
نكون انا وانت ذي اطيار غصب فقدت عناوينا
****************************
منو القايل بعد سفرك تجود الدنيا نتلاقـــا
والاقيك يااعز إنسان عيوني مدفقة اشواقــا

صفوية الغالية

تسلمى يارائعة